Cilat janë pajisjet elektronike më të postuara në rrjetet sociale?

Duke filluar nga të gjitha produktet Apple e deri te pajisjet për lojëra si Playstation dhe Xbox, ka një lumë fotosh, videosh e vlerësimesh nga përdorues të ndryshëm.Që nga pajisjet e vjetra e deri te ato më të rejat, këto janë disa nga produktet teknologjike që shfaqen më tepër në Facebook, Instagram dhe në botën digjitale

Në ditët e sotme një matës shumë i përdorur i vlerës së një produkti është edhe prezenca e postimeve që ai ka në rrjetet sociale. Numri i hashtag, pëlqimeve dhe ndjekësve është tashmë një kartë suksesi për pajisjet teknologjike.

Duke filluar nga të gjitha produktet Apple e deri te pajisjet për lojëra si Playstation dhe Xbox, ka një lumë fotosh, videosh e vlerësimesh nga përdorues të ndryshëm.

Prezenca e tyre në rrjete sa vjen edhe rritet duke u përhapur me shpejtësi: Playstation 4 numëron 2 748329 ndjekës në Instagram, ndërkohë që në faqen zyrtare të Facebook pëlqimet arrijnë shifrën 38 milionë. Konkurrentja më e fortë e PS4, Xbox koleksionon më pak pëlqime në Facebook, por me një prezencë më të madhe në Instagram.

Rekordin për produktet më të ndjekura dhe postuara e mban Apple që me më shumë se 2 milion e gjysmë hashtag #iphonex, 1 milionë hashtag të dedikuara MacBook Pro-së, afërsisht 2 milionë për Apple Watch e shumë e shumë të tjerë për iPad Pro vendoset në fronin e Instagram, Facebook, Twitter dhe të gjithë rrjetet e tjera sociale.

Ndër produktet e vjetra përmendim Walkman-in e Sony i cili shpreh nostalgjinë e përdoruesve që e përdorin ende dhe duan të rikthehen pas në kohë. Ndër produktet e fotografisë, aparatet Nikon janë më të pranishmet në rrjet.