Rekord i ri: 500 kilometra vozitje në vetëm një rrotë (Video)

Motoçiklisti japonez Masaru Abe, ka thyer rekordin e vjetër botëror në vozitjen e skuterit me vetëm një rrotë.Rekordin e ri ai e arriti me modelin Yamaha Jog, duke kaluar 499 kilometra. Rekordi është thyer në shtegun Kavaguçi në afërsi të Tokios dhe ishte për 170 kilometra më i madh se sa rekordi i kaluar.

“Asnjëherë më herët nuk kam ndier aq shumë dhimbje, pasi të dyja duart më dridheshin”, ka thënë 33-vjeçari pas thyerjes së rekordit.

Ai ka shtuar se edhe shikimi i ishte mjegulluar dhe gati kishte humbur ndjenjat, transmeton KosovaPress.